Бокс бўйича терма жамоа аъзоларига психологик тайёргарлик бўйича онлайн машғулот ўтказилди

Яхши биласиз, пандемия сабабли терма жамоаларимиз машғулотларни онлайн тарзда давом эттиришмоқда.

Навбатдаги онлайн машғулот бокс бўйича Ўзбекистон ўсмирлар терма жамоаси вакиллари иштирокида ўтказилди. Бу сафарги машғулот белгиланган режага мувофиқ психологик тайёргарлик мавзусига қаратилди. Федерация масъуллари иштирокида ўтказилган ушбу назарий машғулотларда спортчиларнинг руҳий тайёргарлигига алоҳида эътибор қаратилди.

Карантин сабаб машғулотларни сусайтириб қўймаслик лозимлиги, пандемия ниҳоясига етганидан сўнг яна йиғинлар, халқаро мусобақалар бошланиши таъкидланди.

Бундай даврда нафақат жисмоний, балки маънавий томонлама ҳам ўз-ўзини ривожлантириб, китоблар ўқиш лозимлиги, дунёқарашни кенгайтиришга хизмат қилувчи машғулотлар билан шуғулланиш лозимлиги мураббий Икромхон Ходжаев томонидан қайд этилди.

Эслатиб ўтамиз, карантин даври учун турли ёш тоифасидаги терма жамоаларимиз учун режа ишлаб чиқилган бўлиб, тренерлар айнан ушбу режа асосида боксчиларимиз билан иш олиб боришмоқда.

Жисмоний тарбия ва спорт вазирлиги

Матбуот хизмати

Leave a Reply

Your email address will not be published. Required fields are marked *