Ла Лига. “Реал” – “Атлетик”: Матнли трансляция

Ассалому алайкум, муҳтарам футбол ихлосмандлари. Испания Ла Лигаси 19-туридан ўрин олган “Реал” – “Атлетик” учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

  • 90+3′Учрашув якунланди. Матнли трансляция Жавоҳир Азимов томонидан олиб борилди!
  • 90+2′ГОООООООООООЛЛЛЛЛЛЛ! “Реал” ўйинга нуқта қўйди!Тезкор қарши ҳужумга ўтган мадридликлар ўз мақсадига етди. Бенземанинг узоқ бурчакка йўллаган зарбасини дарвозабон қайтара олмади.
  • 90+2′Куртуа яқин масофадан зарба берган Весганинг уринишини қайтаришга муваффақ бўлди.
  • 90′Ўйиннинг асосий вақтига 3 дақиқа қўшиб берилди.
  • 88’Иско қулай имкониятдан фойдалана олмади. Родриго узатган тўпга испаниялик хавбек зарба беролмади.
  • 86′”Реал” ҳужумларидан кескинлик йўқолди. Улар олдинги чизиқда бемазмун ҳаракат қиляпти.
  • 83′Меҳмонлар бурчак тўпидан унумли фойдалана олмади.
  • 81’Ўйин ҳар икки томоннинг хавфли ҳужумлари билан давом этмоқда.
  • 79′Бенземага нисбатан ишлатилган қўполлик учун Йерай огоҳлантирилди.
  • 76′Лукас Васкес ўрнига Родриго ўйинга қўшилди.
  • 74′ГООООООООООЛЛЛЛЛЛЛ! “Реал” ҳисобда олдинга ўтиб олди!Жарима майдонига етказиб берилган тўпни Бензема дарвозага киритди.
  • 72’Мадридликлар катта куч билан олдинга ўтмоқда. Бироқ аксарият вазиятлар зарбагача етиб бормаяпти.
  • 70’Карвахаль ҳужумда қоида бузди.
  • 69′“Реал” футболчиси воқеалар ривожидан илгарилаб кетди.
  • 67′Венседор ҳамда Уильямс захирага олинди. Улар ўрнига Весга ва Вильялибре майдонга тушди.
  • 65′Крооснинг бу сафарги зарбасини дарвозабон ушлаб олди.
  • 63′Винисиус ҳамда Валверде ўрнига Асенсио ва Иско ўйинга қўшилди.
  • 60’Ферлан Мендининг жарима майдони ташқарисидан берган зарбаси ноаниқ кетди.
  • 59′Иниго Кордоба Алекс Беренгерни алмаштирди.
  • 57’Зидан шогирдлари эрта прессинг уюштириб, рақибни хато қилишга мажбур қиляпти.
  • 56’Гол ўтказиб юборган “Реал” босим уюштиришда давом этмоқда. 
  • 54′Винисиуснинг голи ўйиндан ташқари ҳолат туфайли инобатга олинмади. Айнан унинг ўзи воқеалар ривожидан илгарилаб кетганди.
  • 52′ГООООООООООЛЛЛЛЛЛЛ! “Атлетик” ҳисобни тенглаштирди!Рақиб жарима майдонида юзага келган бўшлиқдан фойжаланган Андер Капанинг биринчи зарбасини Куртуа қайтарди. Такрорий зарба йўлига ҳеч ким ғов бўлолмади.
  • 50’Меҳмонлар иккинчи 45 дақиқаликни фаолроқ бошлади. Улар майдоннинг рақиб учун мўлжалланган ҳудудида тўпни назорат қиляпти.
  • 48′“Атлетик” футболчилари бурчак тўпидан наф чиқара олишмади.
  • 46′Иккинчи бўлим бошланди!
  • 46’Футболчилар майдонга қайтди. Биз ҳам қайтамиз!
  • 45+3′Танаффус!
  • 45+2′ГООООООООООЛЛЛЛЛЛЛ! “Реал” ҳисобни очди!Тони Крооснинг жарима майдони ташқарисидан берган кучли зарбасини дарвозабон қайтара олмади.
  • 45′Биринчи бўлимга 2 дақиқа қўшиб берилди.
  • 44’Вальверденинг яқин масофадан берган зарбаси бироз ноаниқ кетди.
  • 42′Тезкор қарши ҳужумга ўтган рақибини чалиб йиқитган Васкес огоҳлантирилди.
  • 41′Жуниорнинг яқин масофадан берган зарбасини дарвозабон қайтарди.
  • 40’Прессинг уюштираётган мадридликлар дарҳол рақибни тўпсиз қолдиряпти.
  • 38’Жарима майдони марказига оширилган тўпни Карвахаль узоқлаштириб, рақибнинг хавфли тус олиши мумкин бўлган ҳужумини бартараф этди.
  • 36’Крооснинг узатмасини Бензема ўзига бўйсундира олмади.
  • 35’Жуниорнинг зарбаси кутилганидек чиқмади. Навбатдаги ҳужум кўкка совурилди.
  • 33′”Реал” тушуббусни қўлдан бой бермоқчи эмас. Зидан шогирдлари тўпни, шу билан биргаликда, ўйинни назорат қилмоқда.
  • 31’Модрич томонидан жарима майдонига етказиб берилган тўпни меҳмонлар катта қийинчилик билан узоқлаштирди.
  • 29’Крооснинг жарима майдони ташқарисидан берган зарбаси ноаниқ кетди.
  • 27′Рамос бурчакдан оширилган тўпни дарвоза томон йўллади. Зарбага аниқлик етишмади.
  • 25’Жуниор бу сафар ҳам тўп йўқотилишига сабаб бўлди. Унинг узатмаси жуда оддий чиқди.
  • 23’Вальверденинг зарбасига бироз аниқлик етишмади. Тўп Феде кутганчалик айланма траектория олмади.
  • 22’Иниаки Уильямснинг ноаниқ узатмаси жамоасининг камсонли ҳужумларидан бири бесамар якунланишига сабаб бўлди.
  • 21’Майдон эгалари рақибни жарима майдонига қамаб, ҳимоядаги бўш ҳудудларни изламоқда.
  • 19′Бурчакдан етказиб берилган тўпга Рамос ета олмади. Меҳмонлар посбони тўпни эгаллаб олди.
  • 18’Жуниорнинг яна бир ноаниқ ҳаракати жамоасига панд берди. “Реал” навбатдаги сафар ҳужумни муваффақиятсиз якунлади.
  • 16’Винисиус жарима майдони ичида йиқилиб тушди. Ҳакам унга ўрнидан туриши кераклигини тушунтирди.
  • 14′Кроосга нисбатан жиддий қўполлик ишлатган Рауль Гарсияни ҳакам иккинчи бор огоҳлантирди ва майдондан четлатди.
  • 13’Шериги билан “девор” услубида комбинация уюштирган Уильямс дарвозани аниқ нишонга ололмади.
  • 11’Бенземанинг ўткир бурчакдан берган зарбасига аниқлик етишмади.
  • 10’Босим қилган Иниаки Уильямс Варанни ҳимояда хато қилишга мажбур қилди.
  • 8′Марказда Кроосга нисбатан қоида бузган Рауль Гарсия огоҳлантирилди.
  • 6’Жуниор тушунарсиз ҳаракати билан жамоасининг ҳужумини барбод қилди.
  • 4’Васкеснинг хатосидан кейин Уильямс жарима майдонига тўп узатди. Бироқ Де Маркоснинг бош билан йўллаган зарбаси ноаниқ кетди.
  • 3’Ўйинни меҳмонлар фаолроқ бошлади. Уильямснинг зарбасига Варан блок қўя олди.
  • 1′Ўйин бошланди!
  • 0’Футболчилар майдонга тушиб келмоқда. Ўйин бир неча дақиқалар ичида старт олади!
  • 0’Ушбу баҳс 19-турдан ўрин олган бўлиб, “Реал”нинг Испания Суперкубогидаги иштироки учун эртароқ ўтказилмоқда.

Leave a Reply

Your email address will not be published. Required fields are marked *