Паракамондан отиш. Убайдулла Имомқулов Токио-2020 йўлланмаси учун Таиландда беллашади

Ҳамюртимиз Убайдулла Имомқулов камондан отиш бўйича пара атлетлар ўртасидаги Осиё чемпионатида юртимиз шарафини ҳимоя қилади.

21-26 октябрь кунлари Таиланд пойтахти Бангкок шаҳри мезбонлик қиладиган ушбу мусобақада 2020 йилги Паралимпия ўйинлари учун тўғридан тўғри йўлланмалар тақдири ҳал бўлади.

Шуни таъкидлаш жоизки, спортчимиз Даврон Абубакиров мураббийлиги остида қитъа чемпионатига жиддий ҳозирлик кўрди. Убайдулла Имомқулов бир қатор хорижий йиғинларда кўплаб хорижлик рақиблари билан тажриба алмашиш имкониятига эга бўлди.

Убайдулла Имомқулов ҳамда мураббий Даврон Абубакиров бугун эрталаб Тошкент-Бангкок йўналиши билан Таиландга йўл олди.

Ушбу беллашувларимизда спортчимизга омад ва зафарлар тилаймиз.

Leave a Reply

Your email address will not be published. Required fields are marked *