“Манчестер Сити” тарихидаги энг зўр тўпурарлардан бири жароҳатидан қутилганидан кейин асосий таркибга муносиб эканини исботлашига тўғри келмоқда. Бу бош мураббий Пеп Гвардиоланинг талаби.
– Серхионинг жароҳатидан қутилиб, яхши спорт формасида сафимизга қайтгани муҳим. Биз уни қадрлаймиз. Лекин энди Агуэро худди бошқалар қатори жамоада тўп суришга лойиқ эканини исботлаб қўйиши керак, – дейди Гвардиола.
Кейинги пайтларда, “Манчестер Сити” Агуэрони кетказиб, ўрнига эркин агентга айланиш арафасида турган Лионель Мессини олиши ҳақида гап-сўзлар тарқатилмоқда. Агуэронинг ўзи эса “Интер”га ўтишга яқинлиги тўғрисида хабарлар чиқа бошлади.