Токиодаги Олимпия стадиони ҳақида сиз билган ва билмаган фактлар

Бугун таниқли меъмор Кенго Кума дизайни асосида яратилган Токиодаги Олимпия стадиони ҳақида гаплашамиз.

Ушбу муҳташам аренада Олимпия ва Паралимпия ўйинларининг тантанали очилиш ва ёпилиш маросимлари ҳамда пара атлетика мусобақалари ўтказилади. 68,000 кишилик сиғимга эга Олимпия стадиони ўйинларнинг томошабинларида унутилмас таассурот қолдиради ва уларда унутилмас хотиралар билан қолдиради. Унда тўққиз қаторли югуриш йўлакчаси, иккита улкан экран ва замонавий Wi-Fi тармоғи мавжуд.

Стадион фасади Япониянинг 47 префектурасидан олиб келинган кўп қаватли ёғоч бўлакларидан иборат бўлиб, мажмуанинг томи пўлат устунлар ва ламинат тахталардан бунёд этилган. Умуман олганда, стадион ҳудудида 47 мингдан ортиқ ўрта ва кичик дарахтлар экилган.

Бундан ташқари, роботлар ногиронлар аравачасидаги томошабинларга озиқ-овқат ва бошқа маҳсулотлар олиб юриш, уларни жойларига олиб бориш ва воқеалар ҳақида маълумот бериш орқали ёрдам беради.

Стадионнинг қурилиши 2016 йил 1 декабрда бошланиб, 2019 йил 30 ноябрда якунланди, жараённинг турли босқичларида 1,5 миллиондан ортиқ ишчи иштирок этди.

Унинг қурилиши учун бюджетдан 1.43 млрд АҚШ доллари сарфланди.

Эслатиб ўтамиз, Токи мезбонлик қиладиган Паралимпия ўйинлари 2021 йилнинг 24 августидан 5 сентябригача бўлиб ўтади.

Leave a Reply

Your email address will not be published. Required fields are marked *