Фазлидин Умирзақов: Шогирдларимга уйда бажариш мумкин бўлган 10 дан ортиқ усулда шуғулланиш бўйича тавсиялар берганман

Айни дамда мамлакатимиздаги карантин туфайли Паралимпия спортчилари ҳам ўз уйларида шуғулланишмоқда.

Бу борада Ўзбекистон Миллий Паралимпия ассоциацияси матбуот хизмати Пара пауэрлифтинг терма жамоаси бош мураббийи Фазлидин Умирзақов билан қисқача суҳбат уюштирди.

-Фазлидин ака авваламбор карантинни қандай ўтказаётганингиз ҳақида гапириб берсангиз.

-Бу касаллик бутун дунёни забт этди. Жумладан, бизнинг жонажон ватанимизни ҳам четлаб ўтмади. Аммо, халқимиз бу синовни енгиб ўтишига ишонаман.

Юртимизда карантин бўлгани боис мен ҳам ҳамма қатори ўз уйимда, оилам даврасидаман. Фарзандларим билан янада кўпроқ бирга эканлигимдан хурсандман.

-Шогирдларингиз билан машғулотларни қандай давом эттиряпсиз?

-Улар билан телефон ва телеграм орқали мунтазам боғланиб турибман. Улар ўз спорт формаларини имкон қадар сақлаб туриш учун ўз уйларида маҳаллий шароитда шуғулланишмоқда. Уларга уйда штанга ва гантел ёрдамида бажариш мумкин бўлган 10 дан ортиқ машғулот усуллари бўйича тавсиялар берганман. Шогирдларим шулар асосида махсус жисмоний тайёргарлик бўйича шуғулланишмоқда.

Leave a Reply

Your email address will not be published. Required fields are marked *