Ҳамюртимиз Тожикистон чемпионатидаги дебют голини киритди

Кеча Тожикистон  чемпионатида 1-тур учрашувлари якунланди. Ҳамюртимиз Нодирбек Ибрагимов фаолият олиб борадиган “ЦСКА-Помир” жамоаси ўз майдонида Маъмур Икромов, Санжар Рихсибоев ва Андрей Сидоров тўп тепадиган “Хўжанд”ни қабул қилди.

Қизиқарли ва голларга бой тарзда кечган беллашувда меҳмонлар 3:1 ҳисобидаги ишончли ғалабани қўлга киритди. Эътиборлиси, “Хўжанд” жамоасининг илк голига айнан юртдошимиз Андрей Сидоров муаллифлик қилди. Қайд этиш жоиз, ўзига хос ўзбек дербисида ҳар тўрттала легионеримиз асосий таркибда майдонга тушди.

Тожикистон чемпионати / 1-тур

“ЦСКА-Помир” (Душанбе) – “Хўжанд” (Хўжанд) 1:3

Голлар: Андрей Сидоров, 45 (0:1), Хуршед Бекназаров, 63 (0:2), Шодибек Ғаффоров, 76 (1:2), Манучехр Аҳмедов, 90+2 – пенальтидан (1:3).

Leave a Reply

Your email address will not be published. Required fields are marked *