Токио-2020 спорт экипировкалари ва расмий либослари тақдимоти бўлиб ўтади

Жорий йил Японияда ўтадиган XXXII Олимпия ва XVI Паралимпия ўйинларида ўзбекистонлик спортчиларнинг муваффақиятли иштирокини таъминлаш мақсадида мамлакатимиз бўйлаб изчил тайёргарлик ишлари олиб борилмоқда.

Шу жумладан, Ўзбекистон Миллий олимпия қўмитаси қошида мазкур тайёргарлик режаларини мувофиқлаштириш бўйича Тезкор штаб ташкил этилиб, спорт соҳасида улкан тажрибага эга бўлган менежерлар, малакали мутахассислар жалб қилинган.

26 февраль куни соат 15:00 да МОҚ мажлислар залида Токио-2020 Олимпия ва Паралимпия ўйинларида Ўзбекистон делегацияси учун махсус ишлаб чиқарилган спорт экипировкалари ҳамда расмий либосларининг тақдимот маросими ўтказилади.

Leave a Reply

Your email address will not be published. Required fields are marked *