Oзарбайжоннинг Боку шаҳрида паралимпия дзюдоси бўйича Гран-при мусобакаси якунига етди . Ушбу мусобакада ҳамюртларимиз 4 та олтин ва 4та бронза, жами 8 та медални кўлга киритдилар ва умумжамоа ҳисобида фахрли 1 ўринни эгалладилар.
Эркаклар ўртасида кечган баҳсларда Феруз Сайидов (-73 кг вазнда) ва
Довурхон Кароматов (-81 кг вазнда) олтин медал.
(+100кг) Шарипов Ширин олтин. Аёллар ўртасида бўлиб ўтган беллашувларда эса
(-63 кг) Нафиса Шерипбоева олтин
(-70 кг) Васила Алибоева бронза
(-48 кг) Лобар Хуррамова бронза, (-52 кг)Севинч Саллаева бронза
(-57 кг)Парвина Самандарова бронза

Маьлумот учун, ушбу мусобақада 35 та давлатдан 214 нафар спортчи ғолиблик учун баҳс олиб боришди.



Ўзбекистон Миллий Паралимпия Ассоциацияси томонидан 4-5 май кунлари Тошкент шаҳрида пара-пауэрлифтинг бўйича Республика чемпионати ўтказилди.
Чемпионатда юртимизнинг барча ҳудудларидан 150 дан ортиқ спортчи ғолиблик учун баҳслашди. Ассоциация томонидан ташкил этилган ушбу чемпионатни ўтказишдан кўзланган асосий мақсад- истеъдодли ѐш спортчиларни саралаб олиш ва миллий паралимпия терма жамоа саъфини янада кўпайтириш каби вазифа амалга оширилди.
Шиддатли баҳсларга бой ўтган мазкур мусобақада эркаклар -49, -54, -59, -65, -72, -80, -88, -97, 107 вазн тоифасида ҳамда аёллар -41, -45, -50, -55 вазн тоифасида муносиб иштирок этишди.
Икки кун давом этган чемпионатда юртимизнинг 14 та ҳудудидан иштирок этган паралимпия спортчиларидан умумжамоа ҳисобида 1 ўринни Наманган вилояти, 2 ўринни Хоразм вилояти ҳамда 3 ўринни эса Андижон вилояти спортчилари ғолиб бўлиб, совринли ўринларни қўлга киритишди. Совринли ўринларни эгаллаган спортчилар эсдалик совғалар билан тақдирланишди.



Пойтахтимизда Токио-2020 Паралимпия ўйинлари сари “Сенда ҳам имкон бор” шиори остида пара-атлетика бўйича Ўзбекистон чемпионати старт олган эди. Мазкур мусобақа келаси йили Токиода бўлиб ўтадиган навбатдаги Паралимпия ўйинларига терма жамоа таркибини шакллантириб олиш, номзодларни саралаш нуқтаи назаридан аҳамиятли эди. Шу боис ҳам унда Республикамизнинг барча вилоятларидан келган пара-атлетлар ўз иқтидорларини намойиш этишди.

Икки кун давом этган беллашувлар халқаро пара-атлетика оиласига мансуб йўналишларда ўтказилди. Кутилганидек, мусобақада Ҳусниддин Норбеков, Дониёр Солиев, Миран Сахатов, Александр Свечников, Темур Ғиёсов, Асила Мирзаёрова, Сафия Бурханова, Наталья Семёнова каби таниқли пара-атлетларимиз ўз йўналишларида тенгсиз эканликларини яна бир бор намойиш қилилар.

Ушбу мусобақа Президентимиз «Аҳолининг ижтимоий қатлами бандлигини таъминлашни рағбатлантиришнинг ташкилий чора-тадбирлари тўғрисида»ги қарорининг ижросини таъминлаш мақсадида ҳам ўтказилган бўлиб, унда Республикамизнинг турли вилоятларидан янги иқтидор эгалари кашф қилинди. Таъкидлаш жоиз, улар ўз натижалари билан терма жамоанинг асосий таркиб вакилларига муносиб рақобатчи бўла олишларини исботлашди. Мусобақа якунида Фарғона вилояти вакиллари умумжамоа бўйича биринчи ўринни қўлга киритишди. Шунингдек, Тошкент шаҳри иккинчи, Навоий вилояти эса учинчи ўринни эгаллади.

Мусобақанинг тантанали ёпилиш маросимида Ўзбекистон Миллий Паралимпия ассоциацияси раиси Улуғбек Мирхайдаров хамда Ўзбекистон Миллий олимпия қўмитаси мутасадди раҳбарлари иштирок этишди.



Айни дақиқаларда Нукус шаҳрида реабилитация марказига эга бўлган биринчи “Имкон” мактабгача таълим муассасасининг очилиш маросимидамиз.

Имконияти чекланган тарбияланувчиларга мўлжалланган, ўзида 150 нафаргача болаларни сиғдира оладиган ушбу муассаса нафақат Ўзбекистонда, балки Марказий Осиё давлатлари орасида ҳам биринчи ва ҳозирча ягонадир.

Ушбу тарихий воқеа билан бутун Қорақалпоғистон халқини, ташкилотчиларни алоҳида табриклайман. Тизимли равишда мамлакатимизнинг қолган ҳудудларида ҳам бунёд этиладиган бундай муассасалар жисмоний ривожланишида нуқсони бор болаларнинг жамиятдаги ўрнини мустаҳкам эгаллашига кўмак бериши шубҳасиз.



Bugun Olimpiya shon-shuhrati muzeyida ushbu mukofotlarni egalari topshirishga bagʻishlangan tantanali tadbir oʻtkazildi. Tadbirda Oʻzbekiston Respublikasi Prezidentining maslahatchisi Abdujabbor Abduvohidov,  Milliy olimpiya qoʻmitasi prezidenti Umid Ahmadjonov, Oʻzbekiston Milliy Paralimpiya  assotsiatsiyasi raisi Ulugʻbek Mirhaydarov va boshqalar ishtirok etishdi.

Dastlab, Prezidentning yoshlar, fan, taʼlim, sogʻliqni saqlash va sport masalalari boʻyicha maslahatchisi Abdujabbor Abduvohidov Oʻzbekiston Respublikasi Prezidenti tomonidan 2018 yil 4 dekabr kuni imzolangan “III Parosiyo oʻyinlarining gʻoliblari va sovrindorlarini taqdirlash toʻgʻrisida”gi Farmoyishini oʻqib eshittirdi.

Unga koʻra, Paraosiyo oʻyinlari oltin medali sohiblari 5000, kumush medal sovrindorlari 3000, bronza medaliga ega chiqqan sportchilarimiz esa 2000 AQSH dollari miqdoridagi, shogirdlari oltin medalni qoʻlga kiritgan trenerlar 2500, kumush medal 1500, bronza medalga ega chiqqan sportchilarimizning trenerlari esa 1000 AQSH dollari miqdoridagi mukofot puli bilan birma-bir taqdirlanishdi.

Tantanali tadbirda Oʻzbekiston terma jamoa aʼzolari yengil atletikachi Xusniddin Norbekov, suzuvchi Fotima Amilova, dzyudo boʻyicha trener Hasan Qosimovlar soʻzga chiqib, Prezidentimiz tomonidan qaratilayotgan eʼtibordan mamnun ekanliklarini, kelgusida ham gʻalaba qozonish uchun yanada ishtiyoq bilan mehnat qilishlarini bildirishdi.



Ўзбекистон Миллий Паралимпия Ассоциацияси вилоятларда селекция қилинган спортчиларнинг жисмоний холатини ва эга бўлган техник-тактик малакасини аниқлаш мақсадида жорий йилнинг 24-25 ноябр кунлари Тошкент шахрида жойлашган Паралимпия марказида Республикамизнинг барча вилоятларидан ташриф буюрган паралимпия спортчилари ўртасида пауэрлифтинг бўйича Ўзбекистон Кубогини ўтказди.
Бунда 70дан ортиқ спортчилар, жумладан эркаклар -49, -54, -59, -65, -72, -80, -88, -97, 107 вазн тоифасида ҳамда аёллар -41, -45, -50, -55 вазн тоифасида куч синашдилар.
Мусобақа натижаларига кўра 1- ўринни Тошкент шахри, 2- ўринни Хоразим вилояти ва 3- ўринни Наманган вилояти терма жамоа спортчилари эгалладилар.



Ушбу беллашувларда ўн беш нафар ўзбекистонлик паралимпия спортчиларимиз ўз омадларини синаб кўрадилар.
Баҳсларда аёллар ўртасида Хуррамова Лобар(48кг),Салаева Севинч (52кг вазн тоифасида), Самандарова Парвина(57кг), Алибоева Васила(-70кг),Юсупова Ферузахон(+70кг), Курбанбаева Ирисхон(63кг),
Шерипбоева Нафиса(57кг),
Курязова Кумуш(48кг) хамда эркаклар ўртасида Намозов Шерзод(-60кг), Нигматов Ўткиржон(-66кг), Сайидов Феруз(-73кг), Мирзаев Нурбек(-81кг),Бобоев Шухрат(-90кг), Халилов Шариф(-100кг), Шарипов Ширинлар(+100кг)юртимиз шарафини ҳимоя қиладилар. Мазкур мусобақа спортчиларимизга Токио-2020 Паралимпия ўйинларига йўлланма берадиган мухим мусобақалардан бири хисобланади.
Биз ушбу чемпионатда иштирок этадиган паралимпия спортчиларимизга омад ва зафарлар тилаб қоламиз.



Самарқанд шаҳридаги махсус эшкак эшиш мажмуасида 23 ёшгача бўлган ва ундан кичик ёшдаги спортчилар ўртасида Осиё чемпионати, параканоэ бўйича Осиё чемпионати ҳамда Осиё Кубоги мусобақалари бўлиб ўтди.
Осиё миқёсидаги халқаро мусобақаларни параканоэ бўйича спортчилар бошлаб бердилар. Мазкур мусобақада 6 та Осиё давлатларидан 50 дан ортиқ паралимпия спортчилари совринли ўринлар учун куч синашдилар.

Ғолиблар рўйхатини эътиборингизга тақдим этамиз:

Аёллар:
KL2+KL3:
1-ўрин: Шахноза Мирзаева (Ўзбекистон)
2-ўрин: Беҳрузирад Шаҳла (Эрон)
3-ўрин: Кайи Йошими (Япония)
VL2+VL3:
1-ўрин: Беҳрузирад Шаҳла (Эрон)
2-ўрин: Солтани Ройя (Эрон)
Эркаклар:
KL2:
1-ўрин: Азизбек Абдулҳабибов (Ўзбекистон)
2-ўрин: Мирзоҳид Шарапов (Ўзбекистон)
3-ўрин: Бибарис Спатай (Қозоғистон)
KL3:
1-ўрин: Елвази Надер (Эрон)
2-ўрин: Жалгас Тайкенов (Қозоғистон)
3-ўрин: Павел Сулейманов (Ўзбекистон)
VL3:
1-ўрин: Ҳаитмурод Шерқўзиев (Ўзбекистон)
2-ўрин: Абдубек Уснадинов (Ўзбекистон)
3-ўрин: Тацуми Хироми (Япония)
VL1+VL2:
1-ўрин: Жаҳеди Эслам (Эрон)
2-ўрин: Като Таканори (Япония)
3-ўрин: Агҳандеҳ Амин (Эрон).



Ўзбекистон Миллий Паралимпия Ассоциацияси вилоятларда селекция қилинган спортчиларнинг жисмоний холатини ва эга бўлган техник-тактик малакасини аниқлаш мақсадида жорий йилнинг 20 октябр куни Тошкент шахрида жойлашган Паралимпия марказида Республикамизнинг барча вилоятларидан ташриф буюрган паралимпия спортчилари ўртасида дзюдо бўйича Ўзбекистон Кубогини ўтказди.
Бунда 50дан ортиқ спортчилар, жумладан эркаклар -60, -66, -73, -81, -90, -100, +100 вазн тоифасида ҳамда аёллар -48, -52, -56, -63, -70, +78 вазн тоифасида куч синашдилар.
Мусобақа натижаларига кўра 1- ўринни Хоразм вилояти, 2- ўринни Қашқадарё вилояти ва 3- ўринни Бухоро вилояти терма жамоа спортчилари эгалладилар.



  • 6 октябрь куни Индонезиянинг Жакарта шаҳрида старт олган III ёзги Параосиё ўйинлари бугун ўз ниҳоясига етди.
    Ўзбекистон делегацияси мусобақада 54 нафар спортчи билан иштирок этиб, 77 та медаль (35 та олтин, 24 та кумуш ва 18 та бронза) жамғарди ва мусобақа тарихидаги энг яхши натижасига эришди.
    Ўзбекистон параатлетларининг халқаро майдондаги натижалари: • I Параосиё ўйинлари, Гуанчжоу-2010: 21 спортчидан 6 та медаль (1+2+3) • XIV Паралимпия ўйинлари, Лондон-2012: 10 спортчидан 1 та медаль (кумуш) • II Параосиё ўйинлари, Инчеон-2014: 27 спортчидан 31 та медаль (22+5+4) • XV Паралимпия ўйинлари, Рио-2016: 32 спортчидан 31 та медаль (8+6+17) • III Параосиё ўйинлари, Жакарта-2018: 54 спортчидан 77 та медаль (35+24+18)

    Қайд этиш жоиз, Ўзбекистон делегациясини Жакарта-2018нинг энг сермаҳсул жамоаси бўлди, дейиш мумкин. Негаки, мусобақада кучли ўнликка кирган мамлакатлар орасида айнан Ўзбекистон терма жамоаси энг кам спортчи билан иштирок этди. Хусусан, Хитой – 232, Жанубий Корея – 201, Эрон – 210, Япония – 303, Ўзбекистон – 54, Индонезия – 295, Таиланд – 237, Малайзия – 139, Ҳиндистон – 193, Гонконг – 100 нафар атлет билан ташриф буюрган эди.
    Ўзбекистон терма жамоаси вакиллари бешта спорт турида мусобақаларда қатнашиб, уларнинг тўрттасида (сузиш, енгил атлетика, дзюдо, пауэрлифтинг) медаллар жамғаришди. Фақат ўқ отиш бўйича баҳслар бундан мустасно. Энг кўп соврин сузиш бўйича баҳсларда қўлга киритилди.

    Сузиш терма жамоасининг икки вакиласи – Фотима Омилова ва Шоҳсанамхон Тошпўлатова мусобақада ўзлари иштирок этган 7 та йўналишдаги баҳсларнинг барчасида совриндорлар сафидан жой олишди. Бу икки спортчи биргаликда 7 та олтин, 6 та кумуш, 1 та бронза билан умумий жамғармага салмоқли ҳисса қўшди.
    Сузувчилардан, шунингдек, Дмитрий Хорлин ва Ислом Асланов бештадан медалга сазовор бўлди. Яна қатор спортчилар бир неча мартадан шоҳсупага кўтарилишнинг уддасидан чиқишди.

    Ўзбекистон спортчилари Параосиё ўйинлари давомида кўплаб рекордлар (39 та) муаллифи бўлишди. Хусусан, сузишда 2 марта жаҳон рекорди, 12 марта қитъа ва 13 марта Параосиё ўйинлари рекордлари ўзбекистонлик атлетлар томонидан янгиланди. Енгил атлетикада 1 марта жаҳон, 2 марта Осиё, 9 марта Параосиё ўйинлари рекордлари янгиланди. Риодаги Паралимпия ўйинларида иккита олтин медаль соҳибаси бўлган Фотима Омилова Жакартада иккита йўналишда дунё рекордини қайд этишга муваффақ бўлди. Эътиборлиси, 19 ёшли атлет брасс усулида 100 метрга сузиш бўйича Риода ўзи ўрнатган жаҳон рекордини янгилади.

    Дунёнинг энг яхши натижасини кўрсатган терма жамоанинг яна бир аъзоси – Ҳусниддин Норбеков. Ўзбекистон делегациясининг байроқдори ўзи учун янги йўналиш – ядро улоқтиришда 10 йил давомида ўзгармай келган жаҳон рекордини янгилади. Норбеков 2016 йили Рио-де-Жанейрода диск улоқтириш бўйича дунё рекордини ўрнатган эди.

    Мусобақа давомида сузиш бўйича терма жамоа аъзолари шарофати билан 4 маротаба шоҳсупа фақат Ўзбекистон байроқларига аталди.

    Ўзбекистон терма жамоаси медаллар рейтингида мусобақанинг 1-3-кунларида иккинчи, 4-кунда тўртинчи ва 5-6-кунларда бешинчи ўринларни эгаллаб турган эди. Аммо сўнгги – 7-кунга келиб мезбон Индонезия бадминтон бўйича баҳслар натижасига кўра кучли бешликка кириб олди. Шу тариқа, Ўзбекистон III Параосиё ўйинларини 6-ўринда якунлади.


1 2 3 10