Бугун (7 сентябрь куни) маҳаллий вақт билан соат 18:15 да “Маракана” стадионида XV ёзги Паралимпия ўйинларининг тантанали очилиш маросими бўлиб ўтди.\r\nУнда Ўзбекистон спорт делегациясининг 32 нафар спортчилари Ўзбекистон давлат байроғи остида иштирок этди.\r\nТантанали очилиш маросимида енгил атлетикачимиз Дониёр Солив (2013 йил жаҳон чемпионати (Лион) кумуш медали совриндори) байроқдор вазифасини бажарди.\r\nПаралимпия ўйинларининг тантанали очилиш тадбирида дунёнинг 200 га яқин давлатлардан келган спорт делегациялари иштирок этди.\r\nҲилпираётган Ўзбекистон Давлат байроғи остидаги спорт делегациямизнинг байрамона кийимлари, айниқса, спортчиларимизнинг ўзини тутиш маданияти, халқимизга хос одоб билан чиқишлари бошқа давлат вакилларининг ҳавасини келтирди.\r\nПаралимпиада иштирокчиларини Рио 2016 Олимпия ва Паралимпия ўйинларини ўтказиш қўмитаси раиси Карлус Артур Нузман ҳамда Халқаро Паралимпия қўмитаси Президенти Филипп Крейвин қутлади.\r\nШундан сўнг XV Паралимпия ўйинлари машъаласи “Маракана” стадионида\r\nёқилди.



2 сентябрь куни Бразилиянинг Рио-де-Жанейро шаҳридаги Олимпия ва Паралимпия шаҳарчасида Ўзбекистон байроғи туширилди. \r\nХалқаро Паралимпия қўмитаси Президенти Ўзбекистон Республикаси биринчи Президенти жаноб Ислом Каримов вафоти муносабати билан Ўзбекистон Миллий Паралимпия Ассоциацияси ва Ўзбекистон аҳлига чуқур таъзиясини изҳор этди.\r\n



Жорий йилнинг 7-18 сентябр кунлари бўлиб ўтадиган ХV Паралимпия ўйинларининг очилиш маросимида Ўзбекистон байроғини кўтариш 2014-йили Инчхонда бўлиб ўтган енгил атлетика бўйича ПараОсиё ўйинларининг олтин медал соҳиби Хусниддин Норбеков зиммасига юклатилди.\r\n



Ўзбекистон Миллий Паралимпия Ассоциацияси иқтидорли спортчиларни саралаб олиш ва паралимпия дзюдо спортини янада оммавийлаштириш мақсадида жорий йилнинг 2 июл куни Тошкент шаҳридаги Паралимпия марказида Республикамизнинг барча вилоятлари паралимпия спортчилари ўртасида дзюдо бўйича Ўзбекистон Чемпионатини ўтказди. \r\nБунда -60, -66, -73, -81, -90, -100, +100 вазн тоифасида ўғил болалар -48, -52, -56, -63, -70, +78 вазн тоифасида қиз болалар совринли ўринлар учун куч синашдилар.\r\nМусобақа натижаларига кўра 1 ўринни Тошкент вилояти, 2 ўринни Сурхандарё вилояти ва 3 ўринни Тошкент шахри эгалладилар.\r\nТадбир сўнгида Ассоциация томонидан ғолиблар қимматбаҳо совғалар билан тақдирландилар.\r\n



Жорий йилнинг 1 июл куни Ўзбекистон Миллий Паралимпия Ассоциацияси хамда Америка Қўшма Штатларининг Ўзбекистондаги элчихонаси билан ҳамкорликда америкалик машхур ултрамарафон спорт устаси Дин Карнэзес иштирокида Марказий Осиёнинг 3 давлати (Ўзбекистон, Қозоғистон, Қирғизистон) бўйлаб марафон югиришига старт берилди.\r\nУшбу марафон Тошкент шахарининг Юнусобод туманидаги кўркам “Минор масжиди” комплекси олдида ташкил этилди.\r\nХақиқий байрамона рухда ташкил этилган марафоннинг очилиш маросимида АҚШнинг Ўзбекистондаги Элчиси Памела Спратлен сўзга чиқиб ушбу марафон Мустақиллигимизнинг 25 йиллигига бағишланганини айтиб ўтиб, Дин Карнэзесга Буюк Ипак йўли бўйлаб 525км.ни ташкил этувчи (Тошкентдан Қозоғистон ва Қирғизистонгача) югириши олдидан оқ йўл тилади. Шундан сўнг сўзга чиқган Дин Карнэзес юртимизни жуда мехмондўстлигини ва шахрингизни гўзал масканларини бўйлаб ўтишидан мамнунлигини айтиб ўтиб, мусобақага старт берилди. \r\nЎзбекистон Миллий Паралимпия Ассоциациясининг терма жамоа аъзолари ва Америка Қўшма Штатларининг Ўзбекистондаги элчихонаси ходимлари иштирокида Дин Карнэзесни Қозоғистон чегарасигача хамрохликда югириб кузатдилар.\r\n



Ўзбекистон Миллий Паралимпия Ассоциацияси Америка Қўшма Штатларининг Ўзбекистондаги элчихонаси билан ҳамкорликда 2016 йил 29 июн куни соат 9:00да Ассоциациянинг мажилислар залида Америкалик машхур ултрамарафон спорт устаси Дин Карнэзес иштирокида Ўзбекистон паралимпия спортчилари учун семинар-тренинг ташкиллаштирди. \r\nУшбу семинар-тренингда Ўзбекистон Миллий Паралимпия Ассоциациясининг мураббийлари, терма жамоа аъзолари хамда Тошкент шаҳридаги имкониятлари чекланган болалар учун махсус мактаб- интернати тарбияланувчилари иштирок этдилар.\r\nТадбир давомида 50 дан ортиқ иштирокчи Дин Карнэзес билан сухбатда булиб, ўз малакаларини алмашишдилар.\r\nСеминар-тренинг сўнгида Дин Карнэзес Ўзбекистон Мустақиллигининг 25 йиллиги муносабати билан 1 июлдан Марказий Осиё давлатлари бўйлаб (Тошкентдан Қозоғистон ва Қирғизистонгача) югиришини маълум қилди ва у билан бирга қисқа масофани босиб ўтишга иштирокчиларни таклиф этди.\r\n



Шу кунларда БАА нинг Дубай шаҳрида Осиё Паралимпия Қўмитасининг навбатдаги XIV Ижро қўмитаси йиғилиши бўлиб ўтмоқда. Мазкур йиғилишда Ўзбекистон Миллий Паралимпия Ассоциацияси Раиси ўринбосари Умид Ахматджанов иштирок этмоқда. Маълумот учун: Умид Махаматджанович Ахматджанов Осиё Паралимпия Қўмитасининг Ижро қўмитаси аъзоси ва Марказий Осиё минтақаси бўйича координатор. Ушбу йиғилиш мобайнида 2016 йилдаги XV Паралимпия ўйинларига тайёргарликлари (Рио-Де-Жанейро), 2018 йилда бўлиб ўтадиган Пара-Осиё ўйинлари (Индонейзия), Осиё Паралимпия Қўмитасининг йиллик хисоботи хамда Осиё минтакасида паралимпия харакатини янада ривожлантириш масалалари кўриб чиқилмоқда. Ижро қўмитанинг йиғилиши 18 июнга қадар давом этади.\r\n



Ўзбекистон Миллий Паралимпия Ассоциацияси, Американинг Ўзбекистондаги элчихонаси билан ҳамкорликда Республикамизда паралимпия ҳаракатини ривожлантириш ва тарғибот этиш, паралимпия спорт турларини янада оммалаштириш мақсадида америкалик машҳур паралимпия спорт усталари Триатлон спортчиси Мэрикейт Каллаҳан ва енгил атлетикачи мураббий Жон Режистер ташрифи ташкиллаштирилди. Ушбу ташриф дастурига асосан Тошкент ва Андижондаги спорт мажмуаларида паралимпия спортчиларимиз ва мураббийларимиз учун маҳорат дарслари, учрашув ва суҳбатлар ўтказилди.\r\n\r\n



30-апрелъ-7май кунлари Португалиянинг фунчал шахрида бўлиб ўтган Европа Очиқ Чемпионатида паралимпиячиларимиз мувофақиятли иштирок этдилар.\r\n\r\nЖумладан хамюртларимиз Панков Кирил, Одилова Муслима ва Тошпўлатова Шохсанамлар эркаклар ва аёллар ўртасида сузишнинг баттерфлай, эркин, комлекс ва чалқанча турларида 50, 100, 200, 400 метр масофаларида кучсинашиб 1та олтин, 2та кумуш ва 4та бронза медалларини қўлга киритиб шу билан бир қаторда 1та жахон ва 6та осиё рекордларини янгилаб шохсупанинг юқори ўринларидан жой олдилар.\r\n\r\nМазкур мусобада 50та давлатдан 500та спортчи иштирок этди.\r\n\r\nphoto_2016-05-08_10-13-53



Жорий йилнинг 30апрель-7май кунлари Португалиянинг Фунчал шахрида сузиш бўйича Европа Очиқ Чемпионати бўлиб ўтади. Мазкур мусобақада 50 та давлатдан 450та спортчи иштироки кўзда тутилган. Чемпионатда хамюртларимиздан Тошпўлатова Шохсанам, Одилова Муслима ва Панков Кириллар сузишнинг 50 м. , 100 м. , 200 м. , 400 м. , эркин, брас, чалқанча ва батерфлай турларида куч синашадилар.