Ўзбекистон Миллий Паралимпия Ассоциацияси, Ўзбекистон Республикаси жисмоний тарбия ва спорт вазирлиги ҳамда Ўзбекистон Республикаси маданият вазирлиги билан биргаликда Ўзбекистон Республикаси Президентининг 2017 йил 9 мартдаги “Ўзбекистон спортчиларини 2020 йил Токио шаҳрида (Япония) бўлиб ўтадиган XXXII ёзги Олимпия ва XVI Паралимпия ўйинларига тайёргарлик кўриши тўғрисида”ги ПҚ-2821-сонли Қарорларида ва 2017 йил 1 августдаги “Ногиронлиги бўлган шахсларни давлат томонидан қўллаб-қувватлаш тизимини тубдан такомиллаштириш чора-тадбирлари тўғрисида”ги Ф-5006-сонли фармойишларида белгиланган вазифалар ижросини таъминлаш, Республикада имкониятлари чекланган инсонларни спортга жалб қилиш, айниқса ёшлар ўртасида соғлом турмуш тарзини тарғиб этиш, спорт ва жисмоний тарбия орқали имкониятлари чекланган болаларни жамиятга интеграциялаш ва ҳаётга бўлган қизиқишини янада орттириш мақсадида Тошкент шаҳрида жойлашган имкониятлари чекланган болалар учун ихтисослаштирилган мактаб-интернатлари ва коллеж тарбияланувчилари ўртасида жорий йилнинг 3 апрел куни “Наврўз” байрамига бағишланган стол тенниси, шашка ва мини-футбол мусобақаларини ўтказди.
Ушбу мусобақаларда 80дан ортиқ болалар иштирок этдилар.Барча мусобақа иштирокчиларига Ўзбекистон Миллий Паралимпия Ассоциацияси ва Ўзбекистон Республикаси жисмоний тарбия ва спорт вазирлиги томонидан эсталик совғалари топширилди.
Иштирокчиларни қўллаб-қувватлаш мақсадида мусобақада элимиз суйган санъаткорлар ўзларининг чиқишлари ва болаларга билдирган тилаклари билан барчани ҳушнуд қилдилар.

Leave a Comment