WBA reytingi yangilandi. Ahmadaliyev chempion, Madrimov birinchi…

Butunjahon boks assotsiatsiyasi (WBA) bokschilarning yangilangan reytingini eʼlon qildi. Unga koʻra, reytingdan olti nafar oʻzbekistonlik bokschi oʻrin olgan. Bu haqda Olamsport.com nashri xabar tarqatdi.

Eʼlon qilingan reytingda Murodjon Ahmadaliyev ikkinchi yengil vazn toifasida (-55,3 kg) chempion sifatida qayd etilgan. Ahmadaliyev shuningdek IBF yoʻnalishi chempioni ham hisoblanadi.

Birinchi yarim oʻrta vazn toifasida (-63,5 kg) janglarini olib borayotgan ikki bokschimiz avvalgi oydagi kabi oʻrinlarida qolishgan. Shahram Gʻiyosov olti, Shohjahon Ergashev esa yettinchi pogʻonani egallab turibdi.

Birinchi oʻrta vazn (-69,85 kg) toifasida Isroil Madrimov avgust oyida Erik Uolker ustidan qozongan gʻalabasidan soʻng birinchi oʻringa koʻtarilib oldi.

Ikkinchi oʻrta vazn toifasidagi bokschimiz Bektemir Meliqoʻziyev (-76,2 kg) esa 15-oʻrindan 14-oʻringa koʻtarildi. U ayni paytda WBA Continental Americas kamari sohibi boʻlib turibdi.

Yarimogʻir vazn toifasida (-79,3 kg) Rustam Toʻlaganov ham avvalgi oydagidan 1 pogʻona yuqoriladi va 14-oʻringa joylashdi.

Jismoniy tarbiya va sport vazirligi
Matbuot xizmati

Leave a Reply

Your email address will not be published. Required fields are marked *