Жаҳон кубоги. Парадзюдочиларимиз мусобақанинг илк кунида 4 та медални қўлга киритишди

Аввал хабар берганимиздек парадзюдочиларимиз Тбилисида бўлиб ўтаётган Жаҳон кубогида иштирок этишмоқда.

Бугун -60 кг вазн тоифасида татамига чиққан Шерзод Намозов кумуш, -66 кг вазндаги ҳамюртимиз Учқун Қуранбоев эса олтин медални қўлга киритди. Мусобақада -66 кг вазнда юртимиз шарафини ҳимоя қилган бошқа бир парадзюдочимиз Уткир Нигматовга бронза медаллари насиб этди.

-73 кг вазн тоифасида иштирок этаётган спортчимиз Феруз Саидов ҳам мусобақани кучли учликда якунлади ва делегациямиз ҳисобига яна бир бронза медални ёздириб қўйди.

Тбилисидаги Жаҳон кубогида парадзюдочиларимиз қайд этаётган натижаларни биз билан бирга кузатинг.

Ўзбекистон Миллий Паралимпия ассоциацияси

матбуот хизмати

Leave a Reply

Your email address will not be published. Required fields are marked *